ललितपुर र विराटनगरमा अग्रता बढाउँदै कांग्रेस, दुवैतिर उपमेयरमा एमाले अगाडि

काठमाडौं । ललितपुर र विराटगर महानगरपालिकाको मेयरमा नेपाली कांग्रेसका उम्मेदवारले अग्रता बढाएका छन् । ललितपुरमा ३१०१९ मत गणना गर्दा कांग्रेसका चिरिबाबु महर्जनले नेपाली १६४०९ मत पाएका छन् भने प्रतिस्पर्धी एमालेका हरिकृष्ण ब्यन्जन्कारले ८९३७ मत प्राप्त गरेका छन् । राप्रपाका अस्ठ महर्जनले भने १३४१ मत पाएका छन् ।

उपप्रमुखमा भने एमालेकी मन्जली शाक्य अगाडि छिन् । उनले ८८४० मत पाउँदा प्रतिस्पर्धी माओवादीका बाबुराज बज्राचार्यले ६५८३ मत पाएका छन् ।

त्यस्तै विराटनगरको मेयरमा पनि कांग्रेसका नागेश कोइरालाले अग्रता कायम राखेका छन् । विराटनगर महानगरपालिका ५५२१९ मत गन्दा कांग्रेसका कोइराला १७५९८ मतसहित अगाडि छन् । यहाँ एमालेका सागर थापाले १२९७४ मत पाएका छन् ।

उपमेयरमा एमालेकी शिल्पा कार्की १५०४० मत पाएका अगाडि छिन् भने जसपाका अमरेन्द्र यादव ९१७७ मत पाएका छन् ।