बुढीगंगा अपडेट- वडाध्यक्षमा एमालेको ह्याट्रिक, मेयर र उपमेयरमा पनि फराकिलो अग्रता
नेपाल प्रेस
२०७९ असार २५ गते ९:२५
धनगढी । बुढीगङ्गा नगरपालिकाको वडामा एमाले उम्मेदवारले ह्याट्रिक गरेका छन् । यसअघि १ र १० वडामा अध्यक्ष जितेको एमाले अहिले ९ नम्बरमा पनि जीत हासिल गरेको छ ।
बुढीगंगा नगरपालिका वडा नं ९ मा दुई गुणा मतान्तरले एमाले उम्मेदवार विजयी भएका छन् ।
नेकपा एमालेका मीनबहादुर सिंहले गठबन्धनका भरतबहादुर थापालाई फराकिलो मतान्तरले हराएका हुन् ।
थापा गठबन्धनको तर्फबाट नेकपा एकीकृत समाजवादीका उम्मेदवार थिए । सिंहले ४९२ मत पाउँदा थापाले २९३ मतमात्रै पाएका छन् ।
यसअघि वडा नम्बर १ र १० मा पनि एमाले उम्मेदवार विजयी भइसकेका छन् । जारी मतगणनाअनुसार मेयर र उपमेयरमा पनि एमालेका उम्मेदवारहरुले अग्रता बनाइरहेका छन् ।
अहिलेसम्म ३,६४८ मत गणना सकिएको छ । एमालेका मेयर उम्मेदवार रामबहादुर बानियाँले २,१९६ मत पाएका छन् । उपमेयर मायाकुमारी खड्का कुवँरले २,१७२ मत पाएकी छन् ।
नेपाली कांग्रेसका मेयर उम्मेदवार रंगबहादुर खातीले १,२३९ र उपमेयर रीता शाहीले १,२६२ मत पाएका छन् ।
मेयर र उपमेयरमा क्रमशः ९५७ र ९१० मतले एमालेका उम्मेदवार अघि छन् ।
नेपाल प्रेस
प्रकाशित: २०७९ असार २५ गते ९:२५
प्रतिक्रिया
3 thoughts on “बुढीगंगा अपडेट- वडाध्यक्षमा एमालेको ह्याट्रिक, मेयर र उपमेयरमा पनि फराकिलो अग्रता”
Leave a Reply
सम्बन्धित खवर
याे चुनाव भनेकाे गठबन्धनप्रति जनताकाे मत जाच्ने माध्यम पनि हाे । नैतिकता भए गठबन्धनले सरकार छाेडनुपर्छ ।
जनताको विवेक र सत्ता दुरुपयोग र बिचल्ली अनि जनताले कसलाई रूचाएका रहेछन् यो परिनामले देखाउछ ।
वास्तविक रुचाइ को प्रती भन्ने दरिलो उदाहरण हो अहिले को नतिजा जस्तो आए पनि