विराटनगर महानगरको कार्यपालिका निर्वाचन- गठबन्धनभित्र अन्तरघात, एमाले र स्वतन्त्रलाई लाभ – Nepal Press

विराटनगर महानगरको कार्यपालिका निर्वाचन- गठबन्धनभित्र अन्तरघात, एमाले र स्वतन्त्रलाई लाभ

विराटनगर । विराटनगर महानगरपालिकाको कार्यपालिका निर्वाचनमा कांग्रेस, जसपा र राप्रपाको गठबन्धनमा अन्तरघात देखिएको छ ।

आज सम्पन्न निर्वाचनमा अल्पमत रहेका नेकपा एमाले र स्वतन्त्र उम्मेदवार विजयी भएपछि अन्तरघात देखिएको हो ।

स्थानीय तहको निर्वाचनमा नगरसभामा कांग्रेसका मेयरसहित ४० जना, एमालेका उपमेयरसहित ४३ जना, जसपाका १० जना, स्वतन्त्रबाट ३ जना र राप्रपाका १ जना निर्वाचित भएका थिए ।

कार्यपालिका निर्वाचनमा सत्तारुढ गठबन्धनमा कांग्रेस, जसपा र राप्रपाले तालमेल गरेका थिए । जसअनुसार नगरसभामा उनीहरुको ५१ मतभार कायम भएको थियो । विपक्षमा रहेका एमाले र स्वतन्त्रको गरी ४६ मतभार मात्रै थियो ।

निर्वाचनमा भने उल्टो नतिजा आएको छ । घोषित मतपरिणाम अनुसार अल्पसंख्यकमा एमालेका दिपक कर्ण ५२, स्वतन्त्र ओमप्रकाश साह ५५ र सन्जिब साह ५२ मत ल्याएर विजयी भएका छ्न् । गठबन्धनका उम्मेदवार पराजित भएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर