काठमाडौं र ललितपुरका १२ देखि १७ वर्ष उमेर समूहलाई भोलिदेखि फाइजर खोप लगाइने – Nepal Press

काठमाडौं र ललितपुरका १२ देखि १७ वर्ष उमेर समूहलाई भोलिदेखि फाइजर खोप लगाइने

काठमाडौं । काठमाडौं र ललितपुरका १२ देखि १७ वर्ष उमेर समूहका बालबालिकालाई भोलि (मंगलबार) देखि कोभिडविरुद्धको खोप फाइजर दिने भएको छ । जिल्ला स्वास्थ्य कार्यालयहरुले स्थानीय पालिकाहरुसंग समन्वयमा भोलि देखि फाइजर खोप दिने निर्णय गरेका हुन् । खोप अभियान एक सातासम्म चल्ने बताइएको छ ।

बालबालिकाहरुलाई खोप दिनका लागि पालिकाहरुले स्कुलमा खोप केन्द्र तोक्ने र नजिकको केन्द्रमा गएर खोप लगाउन सक्ने स्वास्थ्य कार्यालय काठमाडौँका प्रमुख शम्भु काफ्लेले बताए । परिचयपत्रको आधारमा विद्यार्थीले खोप लगाउन पाउनेछन् ।

उनले खोप केन्द्र र खोप लगाउने तालिका स्थानीय पालिकाले तोक्ने समेत जानकारी दिए ।

उपत्यकाको अर्को जिल्ला भक्तपुरमा भने सोही उमेर समूहका बालबालिकाहरुलाई गत शुक्रबार देखि नै मोडर्ना खोप दिइएको छ ।

प्रतिक्रिया

Leave a Reply

Your email address will not be published.