केन्द्रकाे सिकाे गर्दै बागमती प्रदेशमा पनि सरकार सञ्चालन कार्यदल : संयोजकमा माओवादीका दुलाल

काठमाडौं । संघमा जस्तै सरकार संचालनका लागि वागमती प्रदेशमा पनि कार्यदल गठन भएको छ । माओवादी नेता युवराज दुलालको नेतृत्वमा ‘वागमती प्रदेश सरकार संचालन समन्वय कार्यदल’ गठन भएको हो ।

५ सदस्यीय कार्यदलमा माओवादीबाट दुलालसहित बुद्धिमान माझी छन् । त्यस्तै ​कांग्रेसबाट प्रभात तामाङ र राधा घले तथा एकीकृत समाजवादीबाट मीना ज्ञवाली र माधव पौडेल रहेका छन् ।

दुलालले कार्यदलले सरकार संचालनमा सघाउने र गठबन्धनको संस्कृति निर्माण गर्ने कार्यक्षेत्र रहेको बताए । ‘साझा न्यूनतम कार्यक्रम बनाउन सघाउने, बजेटका लागि सरकारलाई सुझाव दिने, गठबन्धन सरकारकार मन्त्री र पदाधिकारीका लागि आचार संहिता बनाउने, गठबन्धनको संस्कृति, समझदारी र एकतालाई बलियो बनाउने काम यसले गर्छ,’ दुलालले कार्यदलबारे नेपाल प्रेससँग भने ।

संघमा सञ्चालन सहजिकरणका लागि कांग्रेसका बरिष्ठ नेता रामचन्द्र पौडेको संयोजकत्वमा ११ सदस्यीय समन्वय समिति बनाइएको छ ।