आजदेखि काठमाडौंमा अस्ट्राजेनेका खोपको दोस्रो डोज लगाइँदै

काठमाडौं । काठमाडौं जिल्लामा आजदेखि कोभिड–१९ विरुद्ध अस्ट्राजेनेका खोपको दोस्रो डोज ८ वटा स्थानीय तहमा लगाइँदै छ । आजदेखि ११ गतेसम्म खोप लगाउने कार्यक्रम छ ।

काठमाडौं महानगरपालिका, कीर्तिपुर नगरपालिका, चन्द्रागिरि नगरपालिका, नागार्जुन नगरपालिका, कागेश्वरी मनोहरा नगरपालिका, तारकेश्वर नगरपालिका, टोखा नगरपालिका र गोकर्णेश्वर नगरपालिकामा खोप लगाइने भएको छ ।

नेपाल प्रहरी अस्पताल, वीरेन्द्र सैनिक अस्पताल, वीर अस्पताल, परोपकार प्रसूति गृह तथा स्त्रीरोग अस्पताल र निजामती कर्मचारी अस्पतालबाट खोप केन्द्रबाट खोप सञ्चालन हुनेछ ।

खोप लगाउन जाँदा पहिलो डोज खोप लगाएको खोप कार्ड र विद्युतीय दर्ता गरेको प्रिन्ट वा फोटोसहित लिएर जानुपर्ने छ ।