पहिलोपटक चारजना सर्वसाधारण अन्तरीक्षतर्फ, स्पेस पर्यटनमा ठूलो फड्को

काठमाडौं । चारजना एमोच्योर्ड अन्तरीक्षयात्री स्पेस-एक्स रकेट कम्पनीको क्याप्सुलमार्फत आज अन्तरीक्षतर्फ प्रस्थान गरेका छन् । उनीहरु पहिलोपटक निजी मिसनअन्तर्गत कक्षतर्फ लागेका हुन् ।

फ्लोरिडास्थित केनेडी स्पेस सेन्टरबाट आज बिहान प्रक्षेपण भएको उक्त अन्तरीक्ष जहाजमा एकजना अर्बपति र तीनजना सर्वसाधारण छन् । अबको तीन दिन उनीहरुले अन्तरीक्षमा रहेर पृथ्वीको परिक्रमा गर्नेछन् ।

अन्तरीक्ष पर्यटनमा यसलाई महत्वपूर्ण अवसर मानिएको छ । दशकदेखि अन्यौलतापछि पहिलोपटक सर्वसाधारणले अन्तरीक्ष जाने अवसर पाएका हुन् । केही महीनाअघि दुईजना अर्बपति जेफ बेजोस र रिचर्ड ब्रान्सन आफ्नै यानमा अन्तरीक्ष प्रस्थान गरेका थिए ।

यो मिसनलाई पछ्याउँदै आगामी अक्टोबरमा दुईवटा थप निजी भ्रमण अन्तर्राष्ट्रिय अन्तरीक्ष केन्द्रमा हुँदैछ । एउटा : रुसी फिल्म निर्देशक अभिनेत्रीलाई लिएर त्यसतर्फ जानेछन् भने अर्को चाहिँ नयावर्षको सुरुआतमा ।

इन्सिपिरिएसन-४ नाम दिइएको यो मिसनमा जेरड आइज्याकम्यान, हेली आर्केनक्स, सायन प्रोक्टर र क्रिस सेम्सबर्की छन् । उनीहरुलाई ६ महीना घनिभूत तालिम पनि दिएको थियो । पृथ्वीमा रहेको कम्युप्यटर प्रणालीले उक्त क्याप्सुललाई नियन्त्रण गर्नेछ । उक्त ड्रागन क्याप्सुल स्पेस स्टेसनभन्दा पर जानेछैन ।