लेखराजनिवासमा पूर्वमाओवादी नेतासँग विप्लवको भेटघाट, अदालतको आदेशप्रति असन्तुष्टि

कैलाली । एमालेका स्थायी कमिटी सदस्य लेखराज भट्टको निवास धापाखेलमा नेकपा अध्यक्ष नेत्रविक्रम चन्द विप्लवले पूर्वमाओवादी नेताहरुसँग भेटघाट गरेका छन् । भेटघाटमा अहिलेका एमाले नेताहरु टोप बहादुर रायमाझी, लेखराज भट्ट, मणि चन्द्र थापा र प्रभु शाह थिए ।

भेटघाटमा विप्लवले कम्युनिस्ट आन्दोलन र देशबारे चिन्ता व्यक्त गरेको भेटघाटमा सहभागी एक नेताले बताए । सर्वोच्च अदालतले गरेको निर्णयप्रति पनि विप्लवले असन्तुष्टि व्यक्त गरेका थिए ।

‘संविधानमा समेत नभएको विषयमा सर्वोच्चले फैसला गर्यो’ विप्लवलाई उद्धृत गर्दै छलफलमा सहभागी भए नेताले भने, ‘तर, फैसला मान्ने पर्छ भन्ने कुरामा उहाँले जोड दिनुभयो ।’

केही समयअघि विप्लवले माओवादी अध्यक्ष पुष्पकमल दाहाल र माधवकुमार नेपालसँग पनि भेटेका थिए ।