ट्राओरे निर्णायक गोलमा वुल्भ्स विजयी

काठमाडौं । आड्मा ट्राओरेको निर्णायक गोलप्रेरित वुल्भ्सले शुक्रबार राति इङ्लिस प्रिमियर लिगमा फुल्ह्यामलाई ०-१ को नतिजामा पराजित गरेको छ ।

फुल्ह्यामको घरेलु मैदानमा भएको खेलको पहिलो हाफ गोलरहित बराबरीमा रोकिएको थियो । प्रतिस्पर्धात्मक खेलको इन्जुरी सयमा ट्राओरेले गरेको एक मात्र गोल निर्णायक बन्दा वुल्भ्सले सिजनको १०औं जित सुनिश्चित गर्‍यो ।

काउन्टर अट्याकमा फ्याबियो सिल्भाले दिएको पासलाई १८ यार्ड बक्स भित्रसम्म दौडाएर दायाँतर्फबाट सशक्त प्रहार गर्दै ट्राओरेले शानदार गोल गरेका थिए ।

जितसँगै ३१ खेलबाट ३८ अंक जोडेको वुल्भ्स लिग तालिकाको १०औं स्थानमा उक्लिएको छ । पराजित फुल्ह्याम ३२ खेलबाट २६ अंक जोडेर १८औं स्थानमा छ ।