ग्रेटा थनवर्गविरुद्ध दिल्ली प्रहरीमा उजुरी, इन्टरपोलमार्फत पक्राउको तयारी – Nepal Press

ग्रेटा थनवर्गविरुद्ध दिल्ली प्रहरीमा उजुरी, इन्टरपोलमार्फत पक्राउको तयारी

काठमाडौं । अफवाह फैलिएको भन्दै दिल्ली प्रहरीले जलवायु अभियन्ता ग्रेटा थनवर्गविरुद्ध एफआइआर दर्ता गरेको छ । ग्रेटाले बुधबार किसान आन्दोलनप्रति समर्थन गर्दै भारतीय सरकारविरुद्ध आन्दोलनमा उत्रन ट्वीटमार्फत आग्रह गरेकी थिइन् ।

एफआइआरमा उनलाई भारतविरुद्ध षड्यन्त्र रचेको आरोप लगाइएको छ । ग्रेटाले दिल्लीमा आन्दोलन चर्काउन ट्वीट गरेकी थिइन् तर केही छिनमै डिलेट गरिन् । भारतीय संचारमाध्यमले उक्त डिलेट गरिएको ट्वीटलाई ब्यापक बनाएका थिए ।

साथै अभियोग पत्रमा उनलाई भारतमा सहिष्णुता भड्काउने, अफवाह फैलाउने कार्य गरेको आरोप लगाइएको छ । ग्रेटासहित पपस्टार रिहाना र पोर्नस्टार मिया खलिफा पनि समर्थन गर्दै ट्वीट गरेका थिए ।

भारतले इन्टरपोलमार्फत ग्रेटालाई पक्राउ गर्ने तयारी गरेको छ ।

१८ वर्षे स्वीडीस अभियन्ता थनवर्ग जलवायु परिवर्तनविरुद्धको आन्दोलनमा सक्रिय छिन् । भारतमा कृषि कानुनको विरोध गर्दै किसानहरु केही महिनादेखि दिल्ली केन्द्रित आन्दोलनमा सक्रिय छन् । उनीहरुले मोदी सरकारले ल्याएको कृषि कानुनले नीजि कम्पनी र बिचौलियालाई फाइदा पुग्ने भन्दै खारेजीको माग गरेका छन् ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर