निर्वाचनमा हुने खर्चलाई फजूल खर्चको रुपमा चित्रण नगर्न मन्त्री पौडेलको आग्रह – Nepal Press

निर्वाचनमा हुने खर्चलाई फजूल खर्चको रुपमा चित्रण नगर्न मन्त्री पौडेलको आग्रह

अर्थमन्त्री विष्णुप्रसाद पौडेलले निर्वाचनमा हुने खर्चलाई फजूल खर्चको रुपमा चित्रण नगर्न आग्रह गरेका छन् ।

नेपाल चेम्बर अफ कमर्सले सोमबार काठमाडौंमा आयोजना गरेको कार्यक्रममा बोल्दै अर्थमन्त्री पौडेलले छिटो निर्वाचन गरेर सरकारले फजूल खर्च बढाउन खोजेको रुपमा मध्यावधि निर्वाचनलाई चित्रण नगर्न आग्रह गरेका हुन् ।

निर्वाचनका लागि खर्च हुँदा स्वभाविक रुपमा आर्थिक क्रियाकलाप बढ्ने भएकाले अर्थतन्त्रमा सकारात्मक मद्दत पुग्ने बताए ।

निर्वाचन प्रयोजनका लागि खटाइने कर्मचारीहरुलाई हुने भुक्तानी र अन्य खर्चले बजारलाई चलायमान बनाई सहयोग गर्ने अर्थमन्त्री पौडेलको भनाइ छ  ।
निर्वाचनले राजनीतिक स्थायित्व र स्थिरतालाई खण्डित गर्‍यो भन्ने बुझाई गलत भएको पनि उनको भनाइ थियो । पाँच वर्षमा हुनुपर्ने निर्वाचन छिटो वा ढिलो हुँदा राजनीतिक स्थायित्वलाई प्रतिकुल प्रभाव पर्‍यो भन्ने अर्थमा बुझ्न नहुने बताए ।

अस्थिरता निम्त्याउने, अन्तरकलहमा अल्झिने प्रतिनिधि सभा नभई स्थिरता, विकास र समृद्धि तर्फ दृढतासाथ अगाडि बढ्ने प्रतिनिधि सभाको निर्माण अहिलेको माग रहेको पनि अर्थमन्त्री पौडेलको भनाइ छ ।

अर्थमन्त्री पौडेलले कोरोनाको खोप किन्नको लागि सरकारले नेपालीसँग पैसा मागेको भन्ने कुराको खण्डन गरेका छन् ।

कोरोनाको खोप किन्नका लागि नेपाली जनतासँग पैसा नमागेको बताए । उनले खोप किन्नका लागि विदेशी दातृ निकायलाई मात्रै सहयोग गर्न आग्रह गरेको बताए ।

 

प्रतिक्रिया

Leave a Reply

Your email address will not be published.

सम्बन्धित खवर