सुवास नेम्वाङ र अग्‍नि खरेलका भाषणलाई प्रमाणका रूपमा लिन माग

काठमाडौं । प्रतिनिधिसभा विघटनविरुद्धको मुद्दामाथि संवैधानिक इजलासमा आज पनि सुनुवाइ भइरहेको छ ।

शुरूमा रिट निवेदकको तर्फबाट बहस गरेका अधिवक्ता ओमप्रकाश अर्यालले राष्ट्रपतिले प्रतिनिधिसभा पुनःस्थापना गरेर जनताको नासो जनतालाई फिर्ता गर्नुपर्ने जिकिर गरे ।

अर्यालले विगतमा राजा ज्ञानेन्द्रले गरेजस्तै रााष्ट्रपतिले प्रतिनिधिसभा पुनःस्थापना गर्न सक्ने तर्क इजलाससमक्ष पेश गरे । अर्का अधिवक्ता टीकाराम भट्टराईले प्रतिनिधिसभा विघटनको अधिकार संविधानले प्रधानमन्त्रीलाई नदिएको भन्दै त्यसको प्रमाणका रूपमा तत्कालीन सभामुख सुवास नेम्वाङ र महान्यायाधिवक्ता अग्नि खरेलले सार्वजनिकरूपमा बोलेका कुरालाई प्रमाणका रूपमा लिन इजलाससमक्ष आग्रह गरे ।