वामदेवलाई ठीक लागेको तीनबुँदे प्रस्ताव के थियो ? – Nepal Press
नेकपा विभाजन

वामदेवलाई ठीक लागेको तीनबुँदे प्रस्ताव के थियो ?

काठमाडौं । नेकपा सम्बद्ध केही कानून व्यवसायीले पार्टी विभाजनमा तटस्थ रहेका उपाध्यक्ष वामदेव गौतमलाई पार्टी एकता जोगाउन तीनबुँदे प्रस्ताव बालुवाटारमा पुर्‍याउन सुझाव दिए पनि प्रधानमन्त्री पक्षबाट तीनवटै प्रस्ताव अस्वीकार गरिएको चर्चा चलेको छ ।

ती तीन बुँदा थिए- प्रतिनिधिसभा पुनर्स्थापना, नेकपा दुवै समूहको संयुक्त सरकार र एक-एक वर्ष केपी ओली र प्रचण्डले आलोपालो प्रधानमन्त्री चलाउने ।

तर यी तीनै प्रस्ताव अस्वीकार भएको गौतम निकट स्रोतले दाबी गरेको छ । कुनै पनि अवस्थामा प्रतिनिधिसभा पुनर्स्थापना हुँदैन भन्ने जानकारी आएपछि यो च्याप्टर क्लोज भएको गौतम निकट स्रोतले नेपाल प्रेसलाई बतायो ।

यो प्रस्ताव गौतमकै थियो त ?

स्रोत भन्छ– गौतम आफ्नै नभएर कुनै वकिलको थियो र यो प्रस्तावमा उनी पनि सकारात्मक थिए । तर कुनै हालतमा प्रतिनिधिसभा पुनर्स्थापना हुँदैन भन्ने जवाफ आएपछि यो सम्भावनाको अन्त भयो ।

पार्टी विभाजनमा कतै नलागेका गौतम अब सर्वाेच्च अदालतको फैसला नआउन्जेल तटस्थ रहने स्रोतले जनाएको छ ।

उनी शनिवारमात्रै प्रचण्डले बोलाएर खुमलटार पुगेका थिए । त्यहाँ प्रचण्ड माधव नेपाल लगायतका नेतासँग उनले छलफल गरेका थिए ।

गौतमले आफू प्रतिनिधिसभा विघटनको विपक्षमा रहेको बताएका थिए । तर उनले जे गरे पनि एकताको लागि ठाउँ बाँकी राखेर मात्र आफ्ना कदम चाल्न प्रचण्डलाई आग्रह गरेका थिए ।

प्रतिक्रिया

Leave a Reply

Your email address will not be published.

सम्बन्धित खवर