असोज ४ देखि ८ गतेसम्मका लागि तय भएको शाखा अधिकृतको परीक्षा स्थगित

काठमाडौं । लोकसेवा आयोगले असोज ४ देखि ८ गतेसम्मका लागि तय भएको शाखा अधिकृत अप्राविधिकतर्फको परीक्षा स्थागित भएको छ । आयोगले शुक्रबार एक सूचना जारी गर्दै शाखा अधिकृत वा सो सरह (अप्राविधिक) पदको परीक्षा स्थागित गरिएको जानकारी गराएको हो ।

शुक्रबार बसेको आयोगका अध्यक्ष माधवप्रसाद रेग्मीस्तरीय निर्णयबाट परीक्षा स्थागित भएको आयोगका उपसचिव एकनारायण अर्यालले जानकारी दिएका छन् ।

सूचनामा भनिएको छ, ‘सर्वोच्च अदालतबाट भदौ २० गते भएको आदेश कार्यान्वयन गर्न आयोगले विज्ञापन नम्बर १६६९५–१६७०१÷०७७७८ (खुला तथा समावेशी, नेपाल परराष्ट्र, प्रशासन र लेखापरीक्षण सेवाको संयुक्त र एकीकृत परीक्षा प्रणाली अन्तरगत राजपत्रांकित तृतिय श्रेणी (अप्राविधिक), शाखा अधिकृत वा सो सरहको सञ्चालन हुने पूर्व निर्धारित परीक्षा अर्को सुचना प्रकाशित नभएसम्मका लागि स्थगित गरिएको छ ।’