न्युजिल्यान्डका पूर्व क्रिकेटर क्रिस केर्न्सलाई प्यारालाइसिस
नेपाल प्रेस
२०७८ भदौ ११ गते १५:४१
काठमाडौं । न्युजिल्यान्डका पूर्वअलराउन्डर क्रिस केर्न्सलाई खुट्टाको प्यारालाइसिस भएको छ । आकस्मिक मुटुको शल्यक्रियापछि उनको स्पाइनमा स्ट्रोक लागेसँगै खुट्टामा प्यारालाइसिस भएको न्युजिल्यान्डका सञ्चारमाध्यमहरूले लेखेका छन् ।
५१ वर्षीय केरन्स आफ्नो घर क्यानबेरा फर्किए पनि उनको अवस्था गम्भीर रहेको उनका वकिल आरोन ल्लोएडलाई उद्धृत गर्दै रिपोर्टहरू जारी भएका छन् ।
‘जीवन बचाउन आपतकालिन शल्यक्रिया गर्ने क्रममा केरन्सको स्पाइनमा स्ट्रोक भयो जस्ले गर्दा उनको खुट्टा प्यारालाइस भएको छ,’ वक्तव्यमा भनिएको छ, ‘त्यसैले अब उनले अष्ट्रेलियाको विशेष स्पाइनल अस्पतालमा उनको उपचारका लागि बस्नुपर्ने छ ।’
केर्न्सले सन् १९८९ र २००६ सम्म न्युजिल्यान्डबाट ६२ टेस्ट र २ सय १५ एकदिवसीय खेलेका थिए ।
नेपाल प्रेस
प्रकाशित: २०७८ भदौ ११ गते १५:४१
प्रतिक्रिया
सम्बन्धित खवर
