राप्रपा अध्यक्ष लिङ्देनसँग अमेरिकी राजदूतको भेट- नास्तिकता फैलाउन लगानी नभएको जिकिर
नेपाल प्रेस
२०८० चैत १४ गते ११:३९
काठमाडौं । राप्रपाका अध्यक्ष राजेन्द्र लिङ्देनसँग नेपालका लागि अमेरिकी राजदूत डिन आर थम्पसनले भेट गरेका छन् ।
राजदूत थम्पसनले राप्रपाको केन्द्रीय कार्यालय धुम्बाराहीमा पुगेर भेट गरेका हुन् । भेटमा राजदूतले नेपालमा अमेरिकाले नास्तिकता फैलाउन कुनै लगानी नगरेको जिकिर गरेका थिए ।
अमेरिकी सदनमा नेपालमा नास्तिकता फैलाउन लगानी भएको बारेमा भएको सवाल-जवाफको विषयमा लिङ्देनले सोधेको प्रश्नमा राजदूतले त्यस्तो नभएका जिकिर गरेका हुन् ।
राप्रपा अध्यक्षसँगका भेट भन्दा अगाडि पनि अमेरिकी दूतावासले नेपालमा नास्तिकता फैलाउन लगानी नभएको सार्वजनिक जानकारी सार्वजनिक गरेको थियो ।
नास्तिकताका सवालबाहेक नेपालमा अमेरिकी लगानीबारेमा पनि छलफल भएको राप्रपाले बताएको छ ।
राजदूतले नेपालको धार्मिक सद्भाव, एकता उत्कृष्ट रहेको विचार राख्दै नेपालबाट चोरी भई अमेरिका पुर्याइएका मूर्तिहरू नेपाल फिर्ता गरी सम्बन्धित मठ मन्दिरमा पुनः स्थापना गर्ने अमेरिकी नीति रहेको जानकारी गराएका थिए ।
यस्तै राप्रपाले ४० बुँदे माग सरकारसँग राखेर काठमाडौं केन्द्रित प्रदर्शनको तयारीमा रहेको विषयमा समेत कुराकानी भएको राप्रपाले बताएको छ ।
नेपाल प्रेस
प्रकाशित: २०८० चैत १४ गते ११:३९
प्रतिक्रिया
सम्बन्धित खवर
