तस्बिरमा हेर्नुस् राप्रपाको शक्ति प्रदर्शन, प्रधानमन्त्रीलाई ४० बुँदे मागपत्र बुझाउने

काठमाडौं । राष्ट्रिय प्रजातन्त्र पार्टी राजसंस्था पुनःस्थापनालगायतका ४० बुँदे मागपत्र प्रधानमन्त्री पुष्पकमल दाहाल ‘प्रचण्ड’ लाई बुझाउन जनप्रदर्शसहित अघि बढेको छ । ५२ सालमा माओवादीले गरेजस्तै ४० बुँदे बुझाएर राप्रपाले विभिभ्नन माग राखेर आन्दोलन थालेको हो ।

राप्रपा अध्यक्ष राजेन्द्र लिङदेनको नेतृत्वमा राप्रपाका नेता अहिले भृकुटीमण्डपबाट र्‍याली निस्केर नगर परिक्रमा गरिरहेका छन् । त्यसपश्चात भृकुटीमण्डपमै फर्केर आमसभामा परिणत हुनेछ ।

आमसभाकै क्रममा प्रमेुख नेताहरू मागपत्र बुझाउन जानेछन् । बुझाएर फर्किएपश्चात अध्यक्ष लिङदेनले आमसभालाई सम्बोधन गर्ने कार्यक्रम छ । राप्रपाले आज सबै जिल्लामा प्रदर्शनसहित प्रमुख जिल्ला अधिकारीलाई सोही मागपत्र प्रस्तुत गरेका छन् ।

राप्रपाको मागपत्रमा राजसंस्था पुनःस्थापन, प्रदेश खारेजी, हिन्दूराज्य पुनःस्थापनलगायतका राजनीति माग तथा जनजिविकाका विषयहरू समेटिएका छन्।