दर्शक बढाउँदै ‘एक भागवत र एक गीता’, बुधबारको लागि थपिए शो

काठमाडौं । गत शुक्रबारदेखि प्रदर्शनमा आएको सिनेमा ‘एक भागवत र एक गीता’ (सामाजिक कथा)ले बक्स अफिसमा बिस्तारै दर्शक बढाउन थालेको छ । सिनेमाको इनिसियल व्यापार सुखद नदेखिएपनि विकेण्डपछि बिस्तारै दर्शक बढाउदै लगेको वितरक गोविन्द शाहीले बताए ।

वितरक शाही आज मंगलबारबाट सिनेमाले भने सोचेभन्दा राम्रोले साथ पाउन थालेको उल्लेख गरेका छन् । सिनेमा हेर्नका लागि थिएटरमा टिकट बुकिङको अनुपात पनि बढेको छ । थिएटरको बुकिङ सिटलाई हेर्ने हो भने गएको तीन दिनभन्दा यता बुकिङको अनुपात निकै बढेको छ । भोली बुधबारका लागि क्युएफएक्स लगायतका हलले शो समेत बढाएको देख्न सकिन्छ ।

राजधानीलगायतका विभिन्न हलको बुकिङ हेर्दा दर्शकको ठुलो संख्याले बुकिङ गरेको देख्न सकिन्छ । यही अनुरुपले सिनेमाले भोलिको संविधान दिवसको सार्वजनिक बिदाको फाइदा उठाउनका साथै बाँकी दिनमा पनि यही अनुपातमा दर्शक बढाउँदै लैजाने लगेको खण्डमा सिनेमाले व्यापारिक सफलता पाउने देखिन्छ ।