गगनसँग मुद्दामा एकै ठाउँमा छु, सभापतिको दौडमा अहिलेदेखि लाग्न जरुरी छैन : शेखर कोइराला
नेपाल प्रेस
२०८० भदौ २२ गते २०:४५
काठमाडौं । नेपाली कांग्रेसका नेता शेखर कोइरालाले महामन्त्री गगन थापासँग आफ्नो कुनै असमझदारी नभएको प्रष्ट पारेका छन् । शुक्रबार काठमाडौंमा सञ्चारकर्मीहरूसँग कुरा गर्दै एजेन्डामा आफूहरू एकै ठाउँमा रहेको बताए ।
उनले भने, ‘कहिलेकाहीँ कुनै विषयमा म र गगनबीच पनि फरक मत हुन सक्छ । म अलि मध्यमार्गी छु । तर हामी एजेन्डामा सँगै छौँ । कुनै असमझदारी छैन ।’
उनले पार्टीको महाधिवेशन विधानअनुसार ०७८ मंसिरमा महाधिवेशन भएकोले अब १५ औं महाधिवेशन ०८२ भित्रै हुनुपर्ने बताए ।
उनले भने, ‘गगनजी नै क्रियाशील सदस्यता छानबिन समितिमा हुनुहुन्छ । त्यसैले पनि समयमै महाधिवेशन हुन्छ भन्ने विश्वास छ ।’
उनले महाधिवेशन आउन अझै अढाइ वर्ष बाँकी भएकोले अहिलेदेखि नै दौडिन आवश्यक नभएको बताए । उनले अहिले संसदीय दलमा शेरबहादुर देउवाको बहुमत भएकाले सम्भव नहुने बताए । अहिले आफूहरू ४० प्रतिशत मात्रै भएकोले १५ औँ महाधिवेशनबाट ६० प्रतिशत पुर्याउन जोड दिनुपर्ने बताए ।
उनले अहिले मुलुकको राजनीतिक आर्थिक, सामाजिक, सांस्कृतिक धार्मिक अवस्था ठिक नभएको उल्लेख गर्दै अराजकता बढेको गुनासो गरे ।
नेपाल प्रेस
प्रकाशित: २०८० भदौ २२ गते २०:४५
प्रतिक्रिया
सम्बन्धित खवर
