अग्रगमनका लागि गठबन्धन बनाएका हौँ : पम्फा भुसाल
काठमाडौं । नेकपा माओवादी केन्द्रकी उपमहासचिव तथा ऊर्जामन्त्री पम्फा भुसालले अग्रगमनका लागि गठबन्धन बनाएको बताएकी छन् ।
ललितपुर आयोजित गठबन्धनको चुनावी प्रशिक्षण कार्यक्रममा बोल्दै उनले एमाले अध्यक्ष ओलीको कारणले समाजवादमा जाने संकल्पमा धक्का लागेको आरोप लगाइन् ।
उनले भने, ‘हामी समाजवादमा जाने संकल्पको साथ अगाडि बढेका थियौँ । तर, संविधान र व्यवस्थामाथि नै खतरा परेपछि त्यसको विरुद्ध हामी सडक र न्यायपालिकाको ढोकामा पुग्न बाध्य भयौँ । त्यही परिस्थितिमा अग्रगमनका लागि गठबन्धन बनाएका हौँ ।’
आर्थिक समृद्धिका साथै जनताको जीवनस्तरमा समेत आफूहरूले सुधार गरेका बताइन् ।
जनताबाट अनुमोदित भएर जनताको समस्या समाधान गर्न लाग्ने उनको भनाइ छ ।
उनले ललितपुरको सम्पूर्ण क्षेत्रको विकासमा लाग्ने प्रतिबद्धता समेत जाहेर गरिन् । उनी ललितपुर ३ की गठबन्धनका साझा उम्मेदवार समेत हुन् ।
पैसा लिदै विद्युत आयोजनाको लाईसेन्स बाँडन गठबन्धन बनाएका हौ ।