प्राथमिकताको आधारमा विकास गर्छौं: मेयर हमाल – Nepal Press

प्राथमिकताको आधारमा विकास गर्छौं: मेयर हमाल

कैलाली । धनगढी उपमहानगरपालिकाका नवनिर्वाचित मेयर गोपाल हमालले प्राथमिकताको आधारमा विकासलाई अगाडि बढाउने बताएका छन् । सोमबार पदभार ग्रहण गर्दै उनले यस्तो प्रतिबद्धता जनाएका हुन् ।

‘पञ्चवर्षीय योजना लागू भएको थिएन । अब लागू हुन्छ’, उनले भने, ‘प्राथमिकताको आधारमा विकासलाई अगाडि लग्छौं ।’

दिगो विकासको अवधारणाअनुसर अघि बढ्ने हमालले बताए ।

यसैबीच हमालले उद्घाटन तथा स्वागत सम्मान जस्ता काममा आफूलाई नअल्झाउन धनगढीवासीलाई आग्रह गरेका छन् ।

धनगढीवासीले चुनावबाटै सम्मानजनक मत दिइसकेकाले अब काम गर्ने वातावरण सिर्जना गरिदिन उनले फेसबुकमार्फत आग्रह गरेका हुन् ।

उनले लेखेका छन्, ‘यहाँहरुको अमूल्य मतबाट धनगढीको अभिभावकको जिम्मेवारीमा पुगाइसकेपछि अब मैले निर्वाह गर्नुपर्ने जिम्मेवारी पूरा गर्न मेरो सम्पूर्ण समय आजैदेखि लगाउने भएको हुँदा कृपया धनगढीवासी र यहाँका संघसंस्थाहरुलाई अति आवश्यक कामबाहेक उद्घाटन, सभा–सेमिनार, स्वागत, सम्मान कार्यक्रम आदिमा नअल्झाई मलाई जनताको काम गर्ने वातावरण बनाइ सहयोग गरिदिनहुन हार्दिक अनुरोध गर्दछु ।’

प्रतिक्रिया

Leave a Reply

Your email address will not be published.

सम्बन्धित खवर