रामेछापको उमाकुण्ड पनि जित्यो एमालेले, अध्यक्षमा सुनुवार

रामेछाप । रामेछापको उमाकुण्ड गाउँपालिका अध्यक्षमा नेकपा एमालेका शेरबहादुर सुनुवार विजयी भएका छन् ।

सुनुवार ३ हजार ७ सय २८ मत प्राप्त गरी विजयी भएका हुन् । उनका निकटतम प्रतिद्वन्द्वी नेपाली कांग्रेसका जितबहादुर कटुवालले २ हजार १ सय ७२ मत प्राप्त गरे । राप्रपाका हिक्मत सुनुवारले २ हजार १ सय ४१ मत ल्याएका छन् ।

उपाध्यक्षमा भने नेपाली कांग्रेसकी सावित्री सुनुवार विजयी भएकी छन् । सुनुवारले २ हजार ९ सय २२ मत पाएकी छन् । उनका निकटतम प्रतिस्पर्धी एमालेकी गंगा कार्कीले २ हजार ८ सय ३४ मत पाइन् ।