बलिउडले मलाई किन्न सक्दैन, त्यसैले हिन्दी फिल्ममा काम गर्दिन : महेश बाबु – Nepal Press

बलिउडले मलाई किन्न सक्दैन, त्यसैले हिन्दी फिल्ममा काम गर्दिन : महेश बाबु

मुम्बई । हिन्दी फिल्म इन्डस्ट्री र साउथ इन्डस्ट्रीमा भाषा विवादको बीचमा  महेश बाबुले बलिउडलाई लिएर आफ्नो बयान दिएका छन् । उनले एक ट्रेलर सार्वजनिक कार्यक्रममा बलिउडले मलाई किन्न सक्दैन, त्यसैले म हिन्दी फिल्ममा काम गरेर आफ्नो समय बर्बाद गर्न चाहन्न भनेका छन् ।

महेश बाबु फिल्म मेजरको ट्रेलर लञ्च कार्यक्रममा पुगेका थिए । जब मिडियाले उनलाई बलिउड डेब्यूको बारेमा सोधे, महेशले भने, ‘यस्तो होइन कि मलाई अफर आएन, तर मलाई लाग्छ कि उनीहरूले मलाई किन्न सक्दैनन्। मलाई किन्न नसकिने हिन्दीमा काम गरेर म आफ्नो समय बर्बाद गर्न चाहन्न।’

उनी भन्छन्, ‘मेरो साउथ इन्डस्ट्रीमा मैले पाएको स्टारडम र सम्मान ठूलो छ। त्यसैले यो उद्योग छोडेर अर्को उद्योगमा काम गर्ने सोच्न पनि सक्दिनँ । म सधैं फिल्म गर्ने र ठूलो बन्ने सोच गर्छु। मेरा सपनाहरू अब साकार हुँदैछन्।’

महेशले थपे, ‘मेरो उद्देश्य आफूलाई इन्डिया स्टारका रूपमा प्रस्तुत गर्ने होइन, साउथ फिल्मलाई भारतभर सफल बनाउने हो । म सधैं तेलुगु फिल्महरू गर्न चाहन्थें र भारतभरका मानिसहरूले यो हेर्न चाहन्छन्। अहिले यो भइरहेको छ, म धेरै खुसी छु। म सधैं विश्वास गर्छु कि मेरो तागत भनेको नै तेलुगु फिल्महरूमा छ। यही हो जसले सबै सीमा पार गरेर बलिउड, टलिउड, भारतीय सिनेमा बनाएको छ ।’

महेश बाबुले बाल कलाकारको रुपमा चलचित्रमा डेब्यु गरेका थिए । सन् १९८३ मा रिलिज भएको उनको पहिलो फिल्म ‘पोरतम’ थियो । यसपछि महेश बाबु सन् १९९९ मा रिलिज भएको तेलुगु फिल्म ‘राजा कुमारुडु’ मा मुख्य अभिनेताको रुपमा देखा परेका थिए ।

उनीहरुको अधिकांश आम्दानी चलचित्र र विज्ञापनबाट हुने गरेको छ । उनले एउटा फिल्मका लागि ५५ करोड भारु लिन्छन भने विज्ञापनका लागि पनि करोडौं रुपैयाँ लिन्छन् ।

प्रतिक्रिया

Leave a Reply

Your email address will not be published.

सम्बन्धित खवर