आइपीएलमा चेन्नइको लगातार तेस्रो हार
नेपाल प्रेस
२०७८ चैत २१ गते ६:४०
काठमाडौं । पन्जाब किङ्ससँग ५४ रनले पराजित हुँदै इन्डियन प्रिमियर लिग (आईपीएल) टी– २० क्रिकेटमा साविक विजेता चेन्नइ सुपर किङ्सले लगातार तेस्रो हार व्यहोरेको छ ।
मुम्बईमा आइतबार राति पन्जाबले दिएको १८१ रनको लक्ष्य पछ्याएको चेन्नइले १८ ओभरमा सबै विकेट गुमाउँदै १२६ रनमा समेटिएको हो ।
चेन्नइका शिवम डुबेले सर्वाधिक ५७ रन बनाए । पन्जाबका राहुल चाहरले ३ विकेट लिए ।
यसअघि पहिले ब्याटिङ गरेको पन्जाबले २० ओभरमा ८ विकेट गुमाएर १८० रन बनायो ।
पन्जाबका लागि लियाम लिभिङस्टोनले सर्वाधिक ६० रन बनाए । चेन्नईका क्रिस जोर्डन र ड्वाने प्रिटोरिउसले २(२ विकेट लिए ।
जितसँगै पन्जाबले तीन खेलबाट दोस्रो जित निकालेको छ । पन्जाबले ३ खेलबाट ४ अंक जोडेको छ । चेन्नईले ३ खेलमा अंक जोड्न सकेको छैन ।
नेपाल प्रेस
प्रकाशित: २०७८ चैत २१ गते ६:४०
प्रतिक्रिया
सम्बन्धित खवर
