माधव नेपाल समूहको केन्द्रीय कमिटी बैठक आज पनि जारी
नेपाल प्रेस
२०७८ साउन २२ गते ९:५५
तस्बिर : सरोज बैजु ।
काठमाडौं । नेकपा एमालेभित्र समानान्तर पार्टी अभ्यास गरिरहेको माधव नेपाल समूहको केन्द्रीय कमिटी बैठक आज पनि जारी रहेको छ ।
विहान ११ बजेदेखि बुद्धनगरस्थित क्वालिटी पार्टी प्यालेसमा बस्ने बैठकमा केन्द्रीय सदस्यहरुका सुझाव लिइने माधव नेपालको सचिवालयले जनाएको छ ।
विहीवार शुरु भएको बैठकमा केही केन्द्रीय सदस्यले सुझाव दिएका थिए । अधिकांशले कार्यदलले माधव नेपाललाई धोका दिएको भन्दै अहिलेको अवस्थामा केपी ओलीसँग एकता हुन नसक्ने सुझाव दिएका थिए ।
केन्द्रीय सदस्यहरुको सुझाव लिइसकेपछि नेपालले जिल्ला पदाधिकारीहरुसँग समेत छलफल गर्ने भएका छन् ।
नेपाल प्रेस
प्रकाशित: २०७८ साउन २२ गते ९:५५
प्रतिक्रिया
सम्बन्धित खवर
