दलको बैठकमा माधव नेपालको ब्रिफिङ- यही गठबन्धनलाई निरन्तरता दिने कुरामा प्रष्ट छौंं

काठमाडौं । नेकपा एकीकृत समाजवादीले पार्टीका अध्यक्ष माधव नेपालले यही गठबन्धनलाई निरन्तरता दिने कुरामा आफू प्रष्ट रहेको पार्टीको बैठकमा ब्रिफिङ गरेका छन्।

आज बसेको संसदीय दलको बैठकमा गठबन्धनमा आबद्ध दलबाट आफ्नो पार्टीलाई भएको व्यवहारको विषयमा आफूले प्रष्ट राख्दै आएको बताए।

अध्यक्ष नेपालको भनाई उद्धृत गर्दै एक सांसदले भने, हामी अहिले गठबन्धनमा छौँ त्यहाँ हामीले हाम्रो सबै विषय प्रष्ट राख्छौँ। अब गठबन्धनलाई निरन्तरता दिने कुरामा प्रष्ट छौंं। हामीले अहिले यो छाड्ने कुरा गरेका छैनौँ।

उनले पार्टीका विरुद्ध भ्रम पार्न कोसिस भइरहेकाले त्यसमा सचेत हुने आग्रह गरे। उनले दल एकताबद्ध भएर यही गठबन्धनलाई निरन्तरता दिनुपर्छ भन्ने पक्षमा रहेको बताए। उनले गठबन्धन दलहरुबीच भएका सहमति कार्यान्वयनमा आशंका देखिएकोले समस्या बढेको बताए।

सत्ता गठबन्धनमा आबद्ध भएपछि पछिल्लो समय एमाले अध्यक्ष केपी शर्मा ओलीसँग अध्यक्ष नेपालको आरोप प्रत्यारोप र छेडखानी चल्दै आइरहेको छ। त्यसो अध्यक्ष नेपालले उपेन्द्र यादवसँग मिलेर सरकार ढाल्ने खेलमा लागेकै कारणले अहिले जसपा विभाजित बनेकोसम्म चर्चा छ।