प्रहरी हिरासतमा रहेका एक युवकको मृत्यु

कैलाली । कैलाली प्रहरी हिरासतमा रहेका एक युवकको मृत्यु भएको छ।

भन्सार छलीका सामानसहित ३ गते पक्राउ परेका धनगढी गाउँका ३५ वर्षका बुद्धिराम चौधरीको मृत्यु भएको जिल्ला प्रहरी कार्यालय कैलालीले जानकारी दिएको छ ।

हिरासतमा रहेका चौधरी एक्कासि बेहोस भएपछि प्रहरीले उनलाई सेती प्रादेशिक अस्पतालमा भर्ना गरेको थियो ।

चौधरीको उपचारका क्रममा सेती प्रादेशिक अस्पतालमा मृत्यु भएको जिल्ला प्रहरी कार्यालय कैलालीका प्रहरी निरीक्षक लोकेन्द्रसिंह कार्कीले जानकारी दिए ।