शंकर पोखरेललाई मुख्यमन्त्री नियुक्तिको निर्णय सच्याउन माग गर्दै विपक्षी सांसदहरू प्रदेश प्रमुखकोमा – Nepal Press

शंकर पोखरेललाई मुख्यमन्त्री नियुक्तिको निर्णय सच्याउन माग गर्दै विपक्षी सांसदहरू प्रदेश प्रमुखकोमा

काठमाडौं । शंकर पोखरेललाई पुन: मुख्यमन्त्री नियुक्त गर्ने निर्णय गैरसंवैधानिक भएको भन्दै विपक्षीहरूले हस्ताक्षर संकलन गरेका छन् । उनीहरूले प्रदेश प्रमुख धर्मनाथ यादवसमक्ष हस्ताक्षर बुझाएका छन् ।

विपक्षीहरूले स्वतन्त्र २ सांसदसहित ४२ सांसदको हस्ताक्षर भएको दावी गरेका छन् ।

संविधानको धारा १६८ को उपधारा १ बमोजिम बहुमत प्राप्त संसदीय दलको नेताको हैसियतमा पोखरेललाई प्रदेश प्रमुख धर्मनाथ यादवले मुख्यमन्त्रीमा नियुक्त गरिसकेका छन् ।

तर, विपक्षीले यसलाई गैर संवैधानिक भन्दै सच्याउन माग गरेका छन्। नेपाली कांग्रेसका प्रमुख सचेतक फकुरदिन खाँनले अल्पमत पक्षलाई मुख्यमन्त्री नियुक्त गरेर प्रदेश प्रमुखले संविधान उल्लंघन गरेको आरोप लगाए ।

उनले ४२ जना सांसदको हस्ताक्षरसहित निर्णय सच्याउन माग गर्दै आफूहरू प्रदेश प्रमुखसमक्ष पुगेको जानकारी नेपाल प्रेसलाई जानकारी दिए।

प्रमुख प्रतिपक्षी दलसहितले सरकारको दावी गर्दै प्रदेश प्रमुख समक्ष हस्ताक्षर बुझाएका हुन् । प्रदेश प्रमुखले निर्णय नसच्याए के गर्ने भन्नेबारे परामर्शमा रहेको सचेतक खाँनले बताए ।

 

प्रतिक्रिया

Leave a Reply

Your email address will not be published. Required fields are marked *