सर्वोच्चले छाड्न आदेश दिए लगत्तै बाँस्तोला पक्राउ – Nepal Press

सर्वोच्चले छाड्न आदेश दिए लगत्तै बाँस्तोला पक्राउ

काठमाडौं । पक्राउ परेका नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका नेता धमेन्द्र बाँस्तोला ‘कन्चन’लाई छाड्न सर्वोच्च अदालतले आदेश दिएको छ।

बन्दी प्रत्यक्षीकरण मुद्दाको सुनुवाई गर्दै सर्वोच्चले बिहीबार अलाई छाड्न आदेश दिए पनि उनलाई प्रहरीले लगत्तै पक्राउ गर्‍यो। महानगरीय प्रहरी परिसरका प्रमुख एसएसपी ओशक सिंहले बाँस्तोलालाई पुनः पक्राउ गरेको पुष्टि गरे। उनलाई महानगरीय प्रहरी बृत्त कमलपोखरीमा राखिएको छ।

बन्दी प्रत्यक्षीकरणको मुद्दामा सुनुवाई गर्दै सर्वोच्चले अदालतका रजिष्टार र नेपाल बार एशोसियसनका अध्यक्षको रोहबरमा छाड्न आदेश दिएको थियो। प्रहरीले २९ पुसमा बाँस्तोलासहित चार जनालाई ललितपुरको दक्षिणी भेगबाट पक्राउ गरेको थियो।

बाँस्तोलासहित चार जनालाई पुस २९ गते ललितपुरको दक्षिणी भेगबाट प्रहरीले पक्राउ गरेको थियो। उनीविरुद्ध नख्खुस्थित एनसेल टावरमा भएको बम विस्फोटको घटनामा संलग्न रहेको आरोप लगाउँदै प्रहरीले म्याद थप गरी अनुसन्धान गरेको थियो ।

प्रतिक्रिया

Leave a Reply

Your email address will not be published.

सम्बन्धित खवर