नेकपाका दुवै समूहको आन्तरिक भेला र बैठक आज पनि

काठमाडौं । विभाजित नेपाल कम्युनिस्ट पार्टी (नेकपा)का दुवै समूहको आन्तरिक भेला र बैठकहरु आज पनि जारी छन् ।

प्रधानमन्त्री केपी ओली समूहले प्रतिनिधिसभा विघटनको औचत्यबारे तल्लो तहका कार्यकर्तालाई सुसूचित गर्ने गरी जनवर्गीय संगठनहरुको भेला गर्दैछ । ओली समूहका जिल्ला र प्रदेशस्तरीय कार्यकर्ता भेला हुनेछ ।

त्यस्तै आज बिद्यार्थी संगठन अनेरास्ववियुको केन्द्री कमिटी बैठक आज बस्दैछ ।

यता प्रचण्ड–माधव नेपाल समूहले पनि आज देशभर कार्यकर्ता भेलाको आयोजना गरेको छ । प्रतिनिधिसभा पुनर्स्थापना हुनुपर्ने मागसहित सडक आन्दोलनमा उत्रिएको यो समूहको पूर्वघोषित कार्यक्रम अनुसार भेला हुन लागेको छ ।

यसअघि नेता कार्यकता आआफ्नो समूहमा तान्नका लागि शनिबार पनि दुवै समूहले छुट्टाछुट्टै भेला गरेका थिए ।