बीटीएसको सम्मानमा कोरियाले गर्‍यो कानुन संसोधन – Nepal Press

बीटीएसको सम्मानमा कोरियाले गर्‍यो कानुन संसोधन

बीबीसी/दक्षिण कोरियाली संसदले आफ्नो देशको चर्चित पप ब्यान्ड बीटीएसलाई सहज हुने गरि अनिवार्य सैनिक सेवालाई संशोधन गर्न अनुमति दिएको छ । अब ३० वर्षको उमेरसम्म दक्षिण कोरियाली नागरिकले अनिवार्य सैनिक सेवा दिन पाउनेछन् ।

आफ्नो देशको सफ्ट–पावरको सम्मानका लागि दक्षिण कोरियाली यो कदमलाई निकै प्रशंसा गरिएको छ । तर, विद्यमान कानुनअनुसार संस्कृतिमन्त्रीको सिफारिसमा केही सेलेव्रिटीलाई चाहिँ सेवा नगरेपनि हुने छुट दिइएको छ ।

 

ब्यान्डका एकजना पुराना सदस्य जीनको २८ औं जन्मदिनको छेकोमा दक्षिण कोरियाले यस्तो निर्णय लिएको हो । यसअघि त्यहाँका खेलाडी र संगीतकर्मीलाई सैनिक सेवामा छुट दिइएको छ ।

संसोधित कानुनमा भनिएको छ –पप संस्कृतिमार्फत सिंगो विश्वमा दक्षिण कोरियाली छवि ऊँचो तुल्याउन योगदान पुर्‍याएकाले संस्कृति, खेल तथा पर्यटन मन्त्रालयको सिफारिसमा सेवालाई ३० वर्षसम्म थप गर्ने निर्णय लिइएको छ ।’

पछिल्लो समय कोरियाली पप ब्यान्डको ख्याति विश्वभर चुलिइरहेको छ । गतसाता ग्रामी अवार्डको मनोनयनमा पनि ब्यान्ड छानियो । साथै बिलबोर्डको सय सूचिमा समावेश हुने पहिलो दक्षिण कोरियाली ब्यान्डको रुपमा कीर्तिमान बन्यो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ