नेकपा एसले टुंग्यायो उम्मेदवार : इलाममा जीतबहादुर, बझाङमा दिलबहादुर
नेपाल प्रेस
२०८० चैत १४ गते ११:३३
काठमाडौं । नेकपा एकीकृत समाजवादीले आगामी वैशाख १५ गते हुने उपनिर्वाचनको लागि उम्मेदवार टुंग्याएको छ ।
प्रतिनिधिसभाअन्तर्गत इलाम २ मा जीतबहादुर राई र बझाङको प्रदेशसभातर्फ दिलबहादुर सिंहलाई उम्मेदवार बनाउने निर्णय भएको उपाध्यक्ष जयन्ती राईले नेपाल प्रेसलाई बताइन् ।
जीतबहादुर नेकपा एस इलामका सचिवालय सदस्य हुन् । राई अघिल्लो पटकको स्थानीय तहको निर्वाचनमा माइजोगमाई गाँउपालिका अध्यक्षमा निर्वाचित भएका थिए ।
योसँगै उपनिर्वाचनमा सत्ता गठबन्धनभित्र मित्रवत् प्रतिस्पर्धा हुने देखिएको छ । एमाले, माओवादी केन्द्रले पनि आफ्नो उम्मेदवार उठाउने निर्णय गरिसकेका छन् ।
नेपाल प्रेस
प्रकाशित: २०८० चैत १४ गते ११:३३
प्रतिक्रिया
सम्बन्धित खवर
