बालुवाटारमा प्रचण्ड-ओलीको भेट, लगत्तै छिरे देउवा

काठमाडौं । प्रधानमन्त्री पुष्पकमल दाहाल ‘प्रचण्ड’ सँग नेपाली कांग्रेसका सभापति शेरबहादुर देउवा र प्रमुख प्रतिपक्षी नेकपा एमालेका अध्यक्ष केपी शर्मा ओ‌लीको छुट्टाछुट्टै भेट भएको छ ।

आज बिहान बालुवाटारमा प्रचण्ड-ओलीको भेटपछि देउवा पुगेका थिए ।

प्रधानमन्त्रीको सचिवालय स्रोतकाअनुसार शीर्ष नेतृत्वबीच टीआरसी विधेयक टुंग्याउने विषयमा केन्द्रित भएर छलफल भउको छ ।

अहिले प्रतिपक्षी दलहरूले विवादित मन्त्रीहरू मोहन बस्नेत, सुदन किराती, प्रकाश ज्वालाकोसमेत राजीनामा मागिरहेको बेला प्रधानमन्त्रीले मन्त्री फेरबदलका लागि कांग्रेससँग सहमति जुटाउने प्रयासमा छन् । पछिल्लो समयमा देउवा मन्त्री फेर्न सकारात्मक रहेको बताइएको छ ।

त्यस्तै राष्ट्रियसभा अध्यक्षमा आफ्नै उम्मेदवार उठाउने कांग्रेस र माओवादीको निर्णयपछि गठबन्धनमा खटपटको चर्चाबीच ओली बालुवाटार जानुलाई पनि अर्थपूर्णरूपमा लिइएको छ ।