लगातार २६ मुद्दा जिताएका वकिल नक्कली परेपछि…

काठमाडौं । उनी विद्यार्थी हुन् । उनले वकिल भएर २६ मुद्दा लडेँ । सबै मुद्दा जिते । अहिले आएर उनी नक्कली वकिल भएको फेला पर्यो । नक्कली वकिल मात्रै होइन, उनले त कानुन पढ्न कहिल्यै पनि शिक्षालय नटेकेको पनि फेला पर्यो । यो घटना हो केन्याको ।

र त्यी विद्यार्थी हुन् ब्रिएन वेण्डा । उनले केन्याको उच्च अदालतमा लडेका सबै २६ मुद्दा लगातार जित्दासम्म कसैले सुइँको पाइएनन् कि उनी नक्कली हुन् । जब केन्याको कानुन समाजमा उनले लग इन इमेल गलत हाले तब उनमा शंका भएको थियो ।

शंका भएको पनि गत शुक्रबार मात्रै हो । उनी नक्कली भएको समाचार सबैभन्दा पहिलो फ्याक्ट्स इस्ट अफ्रिकाले प्रकाशन गरेको थियो । अहिले यो समाचार विश्वभर चर्चामा आएको छ ।

उनी नक्कली भएको औपचारिक पुष्टि भएपनि उनले पनि प्रतिक्रिया दिएका छन् । उनले भनेका छन्, ‘कानुन स्कुलमा पाइलै नटेकेर २६ मुद्दा जित्नु म प्रतिभाशाली हुनु हो । केन्यामा धेरै व्यवसायिक वकिलहरु छन् जसले एकै मुद्दा जितेका छैनन् ।’ उनले अगाडि थपेका छन्, ‘अदालतले मेरो कानुनी ज्ञान जाँच गरेर बारमा भर्ना गर्नुपर्छ ।’