रुसी प्राध्यापक भन्छन् : युक्रेनलाई होइन पश्चिम युरोपलाई आणविक हतियार हान्ने बारेमा सोचौँ

काठमाडौं । रुसले युक्रेन युद्धमा आणविक हतियार प्रयोग गर्ने बारेमा रुसमा कुरा उठ्न थालेको छ । यो मुद्धामा सबैभन्दा मुखर छन् रुसी प्राध्यापक सेर्गि कारागानोभ । रुसको वैदेशिक तथा रक्ष विभाव प्रतिष्ठानका मान्नार्थ अध्यक्ष समेत रहेका प्राध्यापक कारागानोभले युक्रेन युद्धमा पश्चिम युरोपले धेरै हतियार सहयोग गरेको भन्दै पश्चिम युरोपलाई आणविक हतियार हान्ने बारेमा सोच्नुपर्ने तर्क गरेका छन् ।

प्राध्यापक कारागानोभको आणविक हमला प्रस्ताव रुसी विश्व च्यानल आरटीले प्राथामिकताकासाथ प्रकाशन गरेको छ । समाचार अनुसार प्राध्यापक कारागानोभले आणविक हतियारधारी मुलुक हुनुको अर्थ डर हुनपर्नेमा रुससँग धेरैले डर नराखेको भन्दै आणविक हतियार प्रयोग गर्न सुझाएका छन् ।

उनले रुसले पश्चिम युरोपका बेलायत, फ्रान्स देखी जर्मनीलाई आणविक हतियार हान्दा अमेरिकाले पनि रुसमा हान्ने तर पश्चिम युरोपको विश्व राजनीतिको उपस्थिति कमजोर हुने तर्क गरेका छन् । आणविक हतियारको प्रयोगको सर्त बारेमा बोल्दै उनले भनेका छन्, ‘सबै कुराहरु अहिलेकै अवस्थामा रहेमा आणविक हतियार प्रयोग गर्नुपर्छ ।’