विश्वकप सेमिफाइनल: पहिलो हाफमा मोरक्कोविरुद्ध फ्रान्सलाई १–० को अग्रता

काठमाडौं । थियो हर्नान्डेजको गोलमा कतारमा जारी फिफा विश्वकप २०२२ सेमिफाइनल अन्तर्गत मोरक्कोविरुद्धको खेलको पहिलो हाफमा साविक विजेता फ्रान्सले १–० गोलको अग्रता लिएको छ ।

पहिलो पटक सेमिफाइनल सम्म पुगेको मोरक्कोले केहि अवसर पाए पनि त्यसलाई गोलमा परिणत गर्न सकेन ।

समूह चरणमा अपराजित रहँदै नकआउट चरण पुगेको मोरक्कोले अन्तिम १६ मा स्पेन र क्वार्टरफाइनलमा पोर्चुगललाई हराउँदै सेमिफाइनल प्रवेश गरेको थियो ।

लगातार दुई खेल जित्दै अन्तिम १६ मा स्थान बनाएकाे फ्रान्स समूह चरणकाे अन्तिम खेलमा ट्यूनिसियासँग पराजित भएपनि समूह विजेताकाे हैसियतले नकआउट चरण पुगेकाे थियाे । अन्तिम १६ मा पाेल्यान्ड र क्वार्टरफाइनलमा इङ्ल्यान्डलाई हराउँदै सेमिफाइनलमा स्थान बनाएकाे थियाे ।

यसअघिका पाँच भेटमा फ्रान्स मोरक्कोसँग कहिले पनि पराजित भएको छैन । पहिलोे पटक फ्रान्सलाई हराउँदै विश्वकपको फाइनल पुग्ने पहिलो अफ्रिकन राष्ट्र बन्ने लक्ष्यमा मोरक्को रहेको छ ।

याे खेलकाे विजेताले फाइनलमा अर्जेन्टिनासँग प्रतिस्पर्धा गर्नेछ ।