विनाशकारी भूकम्पको सात वर्ष, अझै बनेनन् कतिपय संरचना – Nepal Press

विनाशकारी भूकम्पको सात वर्ष, अझै बनेनन् कतिपय संरचना

काठमाडौं । नेपालमा पछिल्लोपटक विनाशकारी भूकम्प भएको सात वर्ष पुगेको छ । तर अझैसम्म भूकम्पले भत्काएका कतिपय साँस्कृतिक एवम् ऐतिहासिक संरचनाको पुनःनिर्माण हुन सकेको छैन । तर भूकम्पको सातौं स्मृति दिवस पारेर आज सचेतनामूलक विभिन्न कार्यक्रम गरिँदैछ ।

२०७२ सल वैशाख १२ गते मध्याह्न ११ः५६ बजे गोरखाको बारपाक केन्द्रबिन्दु भएर ७.६ म्याग्निच्युडको भूकम्प गएको थियो । भूकम्पले काठमाडौं उपत्यकासहित देशका १४ जिल्लामा व्यापक क्षति गरेको थियो । भूकम्पमा परी करिब ९ हजारको ज्यान गएको थियो भने लाखौं मानिस घरबारविहीन भएका थिए । सयौं सम्पदा क्षतिग्रस्त भएको थियो ।

अतिप्रभावित र प्रभावित जिल्लाका विद्यालय, स्वास्थ्य संस्था, सुरक्षा निकायका भवन, सडक र खानेपानी आयोजनामा भूकम्पले क्षति पुगेको थियो । सात वर्षअघिको भूकम्पले क्षति पुगेका संरचनाको पुनःनिर्माण गर्न २०७२ पुसमा राष्ट्रिय पुनःनिर्माण प्राधिकरणको स्थापना भएको थियो ।

१९९० साल माघ २ गतेको भूकम्पको सम्झनामा सरकारले २०५६ सालदेखि भूकम्प सुरक्षा दिवस मनाउन थालिएको थियो । दिवसका माध्यमबाट चेतना जागृत गराई भूकम्बाट सुरक्षित बनाउने सरकारको लक्ष्य छ । नेपाल भूकम्पीय जोखिमको क्षेत्रमा पर्दछ ।

प्रतिक्रिया

Leave a Reply

Your email address will not be published. Required fields are marked *