एमालेबाट जनकपुरधाम मेयर उम्मेदवारमा साह सर्वसम्मत सिफारिस
नेपाल प्रेस
२०७८ चैत २७ गते १५:५१
जनकपुरधाम । जनकपुरधाम उपमहानगरपालिकाको मेयरमा उम्मेदवार बनाउन नेकपा एमालेले शिवशंकर साह (हिरा) को एकल नाम सिफारिस गरेको छ ।
जनकपुरधाम उपमहानगरपालिकामा २५ वटा वडा छन् । सबै वडाबाट साहकै एकल नाम मेयरका लागि सिफारिस भएको एमाले जनकपुरधाम नगर कमिटीका सचिव राजु साहले जानकारी दिए ।
साह नेकपा एमालेको मधेस प्रदेश कमिटी सदस्य छन् । जनकपुरधाम उद्योग वाणिज्य संघ र नेपाल उद्योग वाणिज्य महासंघ प्रदेशका अध्यक्षसमेत भइसकेका साहले जनकपुरधाममा राम्रो पकड बनाएका छन् ।
अघिल्लो चुनावमा एमालेबाट मेयरमा लक्ष्मीनारायण भगत उठेका थिए । निर्वाचनमा तेस्रो स्थानमा आएका भगत अहिले नेकपा एकीकृत समाजवादीमा छन् ।
नेपाल प्रेस
प्रकाशित: २०७८ चैत २७ गते १५:५१
प्रतिक्रिया
सम्बन्धित खवर
