फिल्मलाई चलायमान बनाउन ओटीटीमा रिलिज जरुरी : धुर्मुस-सुन्तली – Nepal Press

फिल्मलाई चलायमान बनाउन ओटीटीमा रिलिज जरुरी : धुर्मुस-सुन्तली

काठमाडौं । भाइरस महामारीपछि फिल्म हल ठप्प भएकाले अहिले केही निर्माताहरु रिलिजका लागि ओटीटी प्लेटफर्र्मतिर आकर्षित भएका छन् । कतिपयले महामारी साम्य भएपछि रिलिज गर्नेभन्दै पर्खाइमा छन् ।

यस्तोमा, फिल्म निर्माता दम्पत्ति सीताराम कट्टेल र कुञ्जना घिमिरे (धुर्मुस-सुन्तली)को आफ्नै बुझाइ छ । यो जोडीले आफ्नो लगानी रहेको फिल्म ‘म त मर्छु कि क्या हो’लाई ओटीटी प्लेटफर्ममा रिलिज गर्ने तयारी गरेका छन् ।

फिल्म हलहरु बन्द भएको बेलामा ओटीटी प्लेटफर्म महत्वपूर्ण हुने बुझाइ धुर्मुसको छ । ओटीटी प्लेटफर्मकै लागि भनेर फिल्म बनाइएको उनको भनाई छ । यो फिल्मलाई सिरिजको ढंगमा रिलिज गर्ने धुर्मुस–सुन्तलीको तयारी छ ।

‘सुरुमा जोखिम मोल्नैपर्छ । फिल्म क्षेत्रलाई चलायमान बनाउन ओटीटी प्लेटफर्म आवश्यक पनि हो’ ट्रेलर रिलिज कार्यक्रममा आयोजित समारोहमा धुर्मुसले भने, ‘पब्लिकको माया हामीले कमाउने हो भने यस्तो प्लेटफर्ममा रिलिज गर्नुपर्छ ।’

कुञ्जनाको तर्क पनि यस्तै छ । जोखिम मोल्ने हो भने, ओटीटी प्लेटफर्मको विकास हुने सुन्तली बताउँछिन् । दम्पत्तिको उतारचढाव समेटिएको म त मर्छु कि क्या होमा धुर्मुस-सुन्तलीकै अवतारमा उनीहरु प्रस्तुत भएका छन् ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर