दीपाश्री र स्वस्तिमाले रोपे धान (तस्वीरहरु)

काठमाडौं । आज असार १५ गते मुलुकभर धान दिवस मनाइँदैछ । कृषिप्रधान मुलुकको रुपमा धान दिवसको विशेष महत्व छ । फिल्म र म्युजिक भिडिओको पर्दामा समेत धान रोपाइँलाई चित्रण गर्ने गरिएको छ ।

मनसुन सुरु भएसँगै किसानलाई रोपाइको चटारो छ । काठमाडौं उपत्यकासहित अन्य भूभागमा रोपाइँ सुरु भएको छ । सेलेव्रिटी पनि यो बेला फुर्सदमा छन् ।

धान दिवसको अवसरमा काठमाडौंमा अभिनेत्रीद्धय दीपाश्री निरौला र स्वस्तिम खड्काले धान रोपेका छन् । फेसन डिजाइनर सुरविन बान्तवा र स्वस्तिमासँग दीपाश्रीले धान रोपेकी छिन् । उनीहरुले हिलोमा पसेर बाउँसो पनि लगाए ।

दीपाश्रीले फेसबुकमा लेखेकी छिन्, ‘मेरो लालाहरुसँग खेतमा मस्ती । यो पो हो हाम्रो दोस्ती । राष्ट्रिय धान दिवसको शुभकामना । अन्य कलाकारले समेत धान दिवसको अवसरमा शुभकामना दिएका छन् ।