जोकोभिच र नाडालको भेट फ्रेन्च ओपनको सेमिफाइनलमै

एजेन्सी । विश्व नम्बर एक नोभाक जोकोभिचले इटलीका माट्टेको बोरेट्टिनीलाई पराजित गरी वर्षको दोस्रो ग्राण्डस्लाम टेनिस फ्रेन्च ओपनको सेमिफानलमा रफायल नाडालसँगको भेट पक्का गरेका छन् । पेरिसमा रातको ११ बजेदेखि कर्फ्यू सुरु हुने भएकाले समर्थकले यो खेल पूरा हेर्न पाएनन् ।

बर्सियाली जोकोभिचले सुरुआती दुई सेट सजिलै जितेका थिए । रात्रीकालीन खेलमा ५ हजार समर्थक राख्ने अनुमति भएअनुसार उपस्थित समर्थकहरुले खेलको नतिजा हेर्न पाउने अनुमान थियो । तर तेस्रो सेट बेरेट्टिनीले टाइब्रेकमा जित्न सफल भए, जुन ७४ मिनेटसम्म चलेको थियो ।

पुनरागमनका साथ जोकोभिचले ६–३, ६–२, ६–७ र ७–५ को सेटमा खेल जिते । सुरुआती चरणमा निकै भिड देखिए पनि खेलको अन्तिम सेट एकदमै शान्त र सन्नाटाका बीच खेलिएको थियो ।

यो जितपछि जोकोभिचले सेमिफाइनलमा आफ्नो पुरानो प्रतिस्पर्धीको सामना गर्नुपर्नेछ । तेस्रो वरियताका स्पेनिस सुपरस्टार नाडाल पनि सेमिफनइनलमा पुगेका छन् र कीर्तिमान विस्तार गर्ने गरी १४ औंपल्ट फ्रेन्च ओपनको उपाधि लक्ष्यमा छन् ।

यी दुईले आफ्नो करिअरमा ५८औंल्ट आपसमा भिड्दैछन् । यो खेलको विजेताले पाँचौं वरियताका ग्रिक खेलाडी स्टेफानोस सितसिपास र छैटौं वरियताका जर्मन खेलाडी अलेक्जान्दर भेरेभबीच हुने खेलको विजेतासँग उपाधिका लागि प्रतिस्पर्धा गर्नेछ ।

प्रतिक्रिया

Leave a Reply

Your email address will not be published. Required fields are marked *