संवैधानिक इजलासमा रिट निवेदकको पक्षबाट बहस, देउवालाई प्रधानमन्त्रीको सपथ गराउन आदेश माग

काठमाडौं । संवैधानिक इजलासमा प्रतिनिधिसभा विघटनविरुद्ध प्रमुख रिट निवेदक शेरबहादुर देउवाको पक्षबाट बहस सुरू भएको छ । बहस सुरूआत गर्दै वरिष्ठ अधिवक्ता महादेव यादवले संविधानको धारा ७६ (५) बमोजिमको सरकार बन्ने अवस्था हुँदा हुँदै राष्ट्रपतिले बन्न नदिएको जिकिर गरे ।

उनले बनिसकेको सरकार घोषणा गर्न अवरोध भएकाले त्यो अवरोध अदालतले हटाउनुपर्ने माग गरे । धारा ७६ (५) सरकार गठनका लागि नयाँ व्यवस्था भएकाले बहुमत सांसदको हस्ताक्षर लिएर गएका देउवाको दावी राष्ट्रपतिले अस्वीकार गर्ने अवस्था नरहने जिकिर गरे ।

प्रधानमन्त्रीमा केपी ओलीबाहेक अरुलाई स्वीकार नगर्ने दुराशय देखिएको भन्दै अन्तरिम आदेश माग गरे । उनले धारा ७६ (५) को सरकार बनि सकेको जिकिर गर्दै संसद पुनःस्थापना र देउवालाई सपथ गराइनुपर्ने बताए ।

यादवपछि वरिष्ठ अधिवक्ता शम्भु थापाले बहस सुरू गर्दै अन्तरिम आदेश माग गरेपछि न्यायाधीश ईश्वर खतिवडाले अन्तरिम आदेश दिने आधार के भन्ने प्रश्न गरेका छन् ।

प्रतिक्रिया

Leave a Reply

Your email address will not be published. Required fields are marked *