अमेरिकी राष्ट्रपति दम्पत्तिले गतवर्ष कमाए ६ लाख डलर – Nepal Press

अमेरिकी राष्ट्रपति दम्पत्तिले गतवर्ष कमाए ६ लाख डलर

वासिङटन् । अमेरिकी राष्ट्रपति जो बाइडेन दम्पत्तिको गतवर्षको आम्दानी विवरण सार्वजनिक भएको छ । कर दर्ता गर्ने समयावधीको अन्तिम दिन बाइडेन र उनकी पत्नी जिल बाइडेनको विवरण सार्वजनिक गरिएको हो ।

उनीहरुले सन् २०२० मा कूल ६ लाख ७ हजार ३ सय ३६ डलर आम्दानी गरेका छन् । संघीय आयकरबापत १ लाख ५७ हजार ४ सय १४ डलर खर्च गरेका छन् जुन संघीय आयकर दरको २५ दशमलव ९ प्रतिशत हो ।

बाइडेन दम्पत्तिले २३ औं बर्षपनि आफ्नो आम्दानीको विवरण सार्वजनिक गरेका हुन् । सन् २०१९ मा चुनावी अभियान सुरु भएयता बाइडेन दम्पत्तिको आम्दानीमा गिरावट आएको देखिएको छ ।

उपराष्ट्रपतिको पदावधि सकिएपछि सन् २०१७ देखि २०१९ सम्ममात्र उनीहरुले १५ मिलियन डलर भन्दा बढी कमाएका थिए । यो आम्दानी अधिकांश पुस्तक बिक्रि र भाषण कार्यक्रमको थियो ।

प्रतिक्रिया

Leave a Reply

Your email address will not be published. Required fields are marked *