देउवाले भने- डाक्टर भइसक्या शशांकले भनेपछि बैठक रोक्नु परेन ? (भिडियो)

काठमाडौं । नेपाली कांग्रेसका सभापति शेरबहादुर देउवाले महामन्त्री शशांक कोइरालाको सुझाव अनुसार आफूले केन्द्रीय कार्यसमितिको बैठक रोकेको बताएका छन्।

शुक्रबार आफ्नै निवास बूढानीलकण्ठमा आयोजना गरेको आकस्मिक पत्रकार सम्मेलनमा केन्द्रीय कार्यसमिति बैठक रोक्नुका कारणबारे पत्रकारहरूले प्रश्न गरेपछि यसबारे देउवाले प्रष्ट्याएका हुन् ।

कोइराला आफैं पनि कोरोना संक्रमित भइसकेको र चिकित्सकसमेत भएकाले उनको सुझाव मानेर बैठक स्थगन गरेको देउवाको भनाइ छ ।

‘शशांक कोइराला डाक्टर हो नि उहाँ त,’ देउवाले भने, ‘उहाँ आफैं पनि कोभिड भएको मान्छे हो अस्ति । यसबारे उहाँलाई बढी थाहा छ । उहाँले नै शेरबहादुर जी रोक्नुपर्‍यो, केन्द्रीय समिति नबोलाउँ भनेर मलाई भनेकै हो । उहाँले भनेपछि, डाक्टर भइसक्या मान्छे, पार्टीको महामन्त्री छ । स्वयं कोभिडबाट संक्रमित भएर बसेको मान्छे, उसको सल्लाह नलिने कुरा हुन्छ ?’

‘किन रोकेको हो भनेर उहाँलाई नै सोधे भइहाल्यो नि’, देउवाले भने ।

 

प्रतिक्रिया

Leave a Reply

Your email address will not be published. Required fields are marked *