नेपालको पहिलो फ्रेन्चाइज फुटबल लिग सुरु, रंगशालामा दर्शकबिना खेल (तस्बीरहरु)

 काठमाडौं । नेपालको पहिलो फ्रेन्चाइज फुटबल प्रतियोगिता नेपाल सुपर लिग (एनएसएल) आजबाट सुरु भएको छ ।
दशरथ रंगशालामा आयोजित प्रतियोगितिमा कोरोनाका कारण दर्शक भने उपस्थित हुने छैनन् । आज भएको उद्घाटन खेलमा काठमाडौ रेजर्सले ललितपुर सिटी एफसीलाई १–० ले हराएको छ । काठमाडौंका लागि ६६ औं मिनेटमा मेसोकी ओलुमोउले गोल गरेका थिए ।
नेपाल स्पोर्ट्स एन्ड इभेन्ट म्यानेजमेन्टले अखिल नेपाल फुटबल संघ (एन्फा) को प्राविधिक सहयोगमा यो प्रतियोगिता आयोजना गरेको हो ।
प्रतियोगितामा सात सहरका नामबाट फ्रेन्चाइज टिमले प्रतिस्पर्धा गर्नेछन् । सात फ्रेन्चाइज टिममा विराटनगर सिटी एफसी, काठमाडौं रेजर्स, ललितपुर सिटी एफसी, एफसी चिवतन, पोखरा थण्डर्स, बुटबल लुम्बिनी एफसी र धनगढी एफसी रहेका छन् ।
यस प्रतियोगिताको विजेताले ३५ लाख र उपविजेताले १५ लाख नगद पुरस्कार पाउने छन् । विभिन्न व्यक्तिगत विधामा पनि १–१ लाख पुरस्कार राखिएको छ । हरेक खेलमा उत्कृष्ट प्रदर्शन गर्ने एक खेलाडीलाई १० हजार नगद दिइने छ । सिंगल राउन्ड रोविनका आधारमा हुने एनएसएलको फाइनल आगामी जेठ १ गते आयोजना हुने छ । यस प्रतियोगिताका लागि अक्सनका आधारमा खेलाडी छनोट गरिएका थिए ।
(तस्वीर सौजन्यः श्रीधर पौडेल)
प्रतिक्रिया

Leave a Reply

Your email address will not be published. Required fields are marked *