क्युवाली कम्युनिष्ट नेता राहुल क्यास्ट्रोले राजिनामा दिँदै

हवाना । क्युवाली सत्ताको बागडोर लिएका नेता राहुल क्यास्ट्रोले राजिनामा दिने भएका छन् । शुक्रबारबाट जारी कम्युनिस्ट पार्टीको चार दिने राष्ट्रिय भेलाबाट ८९ बर्षका क्यास्ट्रोले पार्टी महासचिवबाट बिदा लिने अन्तर्राष्ट्रिय संचारमाध्यमले जनाएका छन ।

सन् २०१८ मा क्युवाको राष्ट्रपतिबाट राजीनामा दिएर मिगेल दियाज कनेललाई ल्याएका क्रास्ट्रोले पार्टी महासचिव पनि उनैलाइ दिने भएका छन् । सन १९५९ मा सम्पन्न क्युवाली क्रान्तिबाट आफ्ना दाइ फिडेल क्यास्ट्रोसगै उदाएका राहुल सन २००६ मा राष्ट्रपति भएका थिए ।

दाजु फिडेल बिरामी भएपछि उनी राष्ट्रपति भएका थिए । फिडेलको सन २०१६ मा मृत्यु भएको थियो। प्रधानमन्त्री र पार्टी महासचिव दुवैबाट क्यास्ट्रो परिवारका सदस्य नभएको पहिलो पुस्ताका राहुलको पद हस्तान्तरण सगै सुरु हुने अन्तर्राष्ट्रिय संचारमाध्यमले उल्लेख गरेका छन् ।

अमेरिकी आर्थिक प्रतिबन्दले तनावग्रस्त क्युवाली नागरिकलाई कोभिड-१९ खोप अनुसन्धानले भने उत्साही बनाएको छ। क्युवाले २ वटा कोभिड-१९ भ्याक्सिनको विकास गरेर अन्तिम चरणमा पुगेको अन्तर्राष्ट्रिय संचारमाध्यमले उल्लेख गरेका छन् ।