काठमाडौं । विभाजित नेकपाको प्रचण्ड-माधव पक्षले काठमाडौंमा सिठ्ठी जुलुस निकालेको छ ।

लैनचौरबाट निकालिएको जुलुशले असन, इन्द्र चोक हुँदै वसन्तपुर पुगेको थियो ।

संसद विघटनविरुद्ध आन्दोलनरत सो पक्षले सोमबार संघर्षका नयाँ कार्यक्रम सार्वजनिक गरेको थियो ।

केन्द्रीय संघर्ष समितिले मंगलबारदेखि माघ २८ गतेसम्मको १५ दिने विरोधको कार्यक्रम घोषणा गरेको छ । घोषित कार्यक्रममा सिठ्ठी जुलुसदेखि धर्ना, र्‍याली, विरोध प्रदर्शन र सभा रहेका छन् । माघ २८ गते काठमाडौंमा विरोध प्रदर्शन गरिने भनिएको छ ।