कम्बोडियाको क्यासिनोमा आगलागीमा मृत्यु भएका झापाका पाण्डेको शव छिटो ल्याउन प्रधानमन्त्रीको निर्देशन
नेपाल प्रेस
२०७९ पुष १६ गते ११:०५
काठमाडौं । प्रधानमन्त्री पुष्पकमल दाहाल ‘प्रचण्ड’ले कम्बोडियाको एक होटेल क्यासिनोमा भीषण आगलागीमा परी ज्यान गुमाउनेहरुप्रति दुख व्यक्त गरेका छन् ।
आगलागीमा झापा विर्तामोड नगरपालिका १ का निराकर पाण्डेसहित १९ जनाको निधनप्रति प्रधानमन्त्री ‘प्रचण्ड’ले दुख व्यक्त गर्दै श्रद्धाञ्जली अर्पण गरेका हुन् ।
बिहीबार राति भएको आगलागीमा नेपाली युवक पाण्डेकाे पनि ज्यान गएको थियो ।
साथै निधन भएका पाण्डेको परिवारप्रति गहिरो समवेदना प्रकट गरेका छन् । मुख्यसचिवलाई उनको शव नेपाल ल्याउन शीघ्र सहजीकरण गर्न सम्बन्धित निकायलाई परिचालन गर्न निर्देशन दिएकाे सचिवालयले जनाएको छ ।
नेपाल प्रेस
प्रकाशित: २०७९ पुष १६ गते ११:०५
प्रतिक्रिया
सम्बन्धित खवर
