ललितपुरको गोदावरीमा डढेलो निभाउन गएका एकको मृत्यु
नेपाल प्रेस
२०८१ वैशाख १८ गते १५:११
काठमाडौं । ललितपुरको गोदावारीस्थित सामुदायिक वनमा लागेको डढेलो निभाउन पुगेका एक व्यक्तिको मृत्यु भएको छ ।
ललितपुर प्रहरी परिसर प्रवक्ता नरेशराज सुवेदीले २ जना गम्भीर घाइते भएकामा एक जनाको उपचारका क्रममा कीर्तिपुरस्थित बर्न सेन्टरमा मृत्यु भएको पुष्टि गरे ।
गोदावारी-४ बडिखेलस्थित तपेश्वर सामुदायिक वनमा लागेको डढेलो निभाउन मंगलबार बिहान पुगेका स्थानीय शंकर पहरीको उपचारका क्रममा मृत्यु भएको हो । रमेश पहरी सख्त घाइते छन् ।
सुरक्षाकर्मीले डढेलो निभाउने क्रममा फसेका १५ जनाको सकुशल उद्धार गरेको छ ।
नेपाल प्रेस
प्रकाशित: २०८१ वैशाख १८ गते १५:११
प्रतिक्रिया
सम्बन्धित खवर
