एन्फाको विषेश साधारण सभा सुरु, के होला पंकजको पद ?

काठमाडौं। अखिल नेपाल फुटबल संघ (एन्फा)को विषेश साधारण सभा सुरु भएको छ ।

बिहान १० बजेदेखि सुरू हुने भनिएको साधारणसभा २ घण्टा ढिला गरी सुरू भएको छ । एन्फाका अध्यक्ष पंकजविक्रम नेम्वाङविरुद्ध अविश्वासको प्रस्ताव पेश गर्ने एक मात्र एजेण्डा आजको विशेष साधारण सभामा रहेको छ ।

गत २५ भदौमा एन्फाका ४९ सदस्यले अध्यक्ष नेम्वाङ र महासचिव किरण राईकाे बर्खास्ती माग गर्दै अविश्वास प्रस्ताव राखेका थिए । तर, अध्यक्षलाई मात्र प्रस्ताव राख्न मिल्ने व्यवस्थाको कारण एकमात्र एजेण्डा भएको हो । कुल ११० प्रतिनिधि रहेकोमा साधारणसभामा ८९ जनाले मताधिकार प्राप्त गरेका छ्न् । साधारणसभामा सतप्रतिशत प्रतिनिधि उपस्थित छन् ।